Ծառայությունների փաթեթ

Տեղական ընկերությունների` աճի և ընդլայնման մեծացող կարիքի հետ մեկտեղ գնալով ավելի բարդ ու խճճված են դառնում նրանց ներդրումային կարիքները: Ի-Վի Քոնսալթինգի ներդրումային խորհրդատվությունը հատուկ մշակված է ընկերությունների բոլոր հիմնական դժվարություններին պատշաճ արձագանքելու նպատակով:

	Ներդրումային կարիքի ճշգրտում			Գործընթացի առաջին կենսական քայլն ընկերության ներդրումային կարիքների ճշգրտումն է` ելնելով ընկերության ներդրումային ներուժից և աճի հնարավորություններից: Երբեմն ընկերությունների համար տեսանելի չէ ներդրումը “կլանելու” սեփական ունակությունները, այնինչ չափը գերազանցող ներդրումները կարող են նույնքան կործանարար լինել, որքան դրանց բացակայությունը: Ի-Վի Քոնսալթինգն օժանդակում է ընկերություններին ճշգրտել իրենց ներդրումային կարիքները` ելնելով ծրագրի և ընկերության ներուժի գնահատականից:

	Ձևակերպում			Ներդրումների գործընթացի հաջորդ փուլը ներդրումային կարիքները պոտենցիալ ներդրողներին ճիշտ ներկայացնելն է` տրամադրելով վերլուծությունների և քննության համար անհրաժեշտ տեղեկություններ: Ի-Վի Քոնսալթինգն աջակցում է ընկերություններին «փաթեթավորել» իրենց ներդրումային ծրագրերն այնպես, որ դրանք արդյունավետ կերպով արտացոլեն թե´ ներդրողներին հետաքրքրող խնդիրները և թե´ ընկերության մոտ առկա լավագույն հնարավորությունները: Այս փուլի մաս է հանդիսանում համալիր ներդրումային առաջարկի կազմումը, որն իր մեջ կներառի շուկայի լիարժեք վերլուծություն և կանխատեսումներ, մրցակիցների վերլուծություն, ծրագրի նկարագրություն և ֆինանսական մոդելավորում:

	Գործարքի կնքնման աջակցություն			Ի-Վի Քոնսալթինգն իր հաճախորդներին օժանդակություն է ցուցաբերում ներդրողների հետ բանակցությունների և գործարքի կազմման գործընթացում` օգնելով բանակցություններում շահեկան դիրքերի ձևակերպման և բոլոր հնարավոր օգուտների հայտնաբերման հարցում: Բարդ գործարքներում բազմաթիվ տարբերակների օգուտներն ու ծախքերը հաճախ ակնհայտ չեն, ուստի մենք գործի ենք դնում մեր գիտելիքն ու փորձը ամենաօպտիմալ լուծումներն առաջարկելու համար:

	Կատարողականի բարելավում			Ներդրումային ծրագրեր նախաձեռնելով` ընկերությունները հաճախ հայտնվում են գործունեության արդյունավետությունը բարելավելու աճող ճնշման ներքո: Ի-Վի Քոնսալթինգն իր գործիքակազմում ունի լուծումներ, որոնք կարող են նշանակալիորեն բարելավել ընկերությունների արդյունավետությունը: Առաջարկվող գործիքները վերաբերում են ինչպես կարճաժամկետ հատվածում արագ բարեփոխումներին, այնպես էլ երկարաժամկետ հատվածում կառավարման համակարգերի հիմնարար բարեփոխմանը: