Ներդրումային խորհրդատվության ընտրված օրինակներ

Բաժնետիրական կապիտալի ներգրավում, 2007
		Դեղատնային գործունեության ոլորտում առաջատար հայկական ընկերություն
		Որպես ֆինանսական խորհրդատու օժանդակել է Վերակառուցման և զարգացման եվրոպական բանկից 4.4մլն Եվրո գումարի ներդրումային միջոցների ներգրավմանը: Ներդրումային միջոցներն ուղղվել են կազմակերպության մանրածախ ցանցի ընդլայնմանն ու ժամանակակից դիստրիբուցիոն կենտրոնի հիմնադրմանը:

Համակցված ֆինանսավորման ներգրավում, 2010
		Շոկոլադի և քաղցրավենիքի արտադրությամբ զբաղվող հայկական ընկերություն
		Որպես ընկերության խորհրդատու օժանդակել է Վերակառուցման և Զարգացման Եվրոպական Բանկից 0.7մլն Եվրո գումարի ներդրումային միջոցների ներգրավմանը` ապահովելու ընկերության ընդլայնումը շոկոլադի և քաղցրավենիքի շուկայում: Ընկերությանը խորհրդատվություն է մատուցվել գոծընթացի ամբողջ ընթացքում, ինչպես նաև ակնկալվում է տրամադրել գործունեության բարելավման օժանդակություն:

Փոխատվական կապիտալի ներգրավում, 2009
		Խոշոր կառուցապատող ընկերություն
		Տրամադրել է խորհրդատվություն ընկերության ռազմավարության մշակման գործում: Իրականացրել է իրագործելիության համակողմանի վերլուծություն, նախագծել է ընդլայնման ռազմավարություն, ինչպես նաև մշակել է բնակելի և առևտրային համալիրների կառուցապատման ներդրումային նախագիծը: Ընկերությունը միջազգային ինստիտուցիոնալ ներդրողից 5մլն. ԱՄՆ դոլար փոխատվական կապիտալ է ներգրավել ներդրումային նախագծի մշակման փուլում:

Համակցված ֆինանսավորում, 2011
		Շինարարական նյութերի արտադրության ոլորտում առաջատար կազմակերպությունն
		Խորհրդատվություն է մատուցել ընկերությանը ծրագրի ֆինանսավորման առաջին փուլի ընթացքում` օժանդակելու գիպսի հիմքով արտադրական միավոր ձևավորելու գործում: Ակնկալվում է բազմաղբյուր ֆինանսավորում, որին կմասնակցեն միջազգային ֆինանսական հաստատություններ և սարքավորումների մատակարար երկրների արտահանման խրախուսման բանկեր:

Վաճառքի խորհրդատվություն, 2009
		Բիզնես կենտրոն
		Իրականացվել է շուկայի վերլուծություն և մշակվել է վաճառքի առաջարկ, որի հիման վրա իրականացվել է 7մլն. ԱՄՆ դոլար արժողությամբ գործարք:

Կոմերցիոն դյու դիլիջենս (due diligence), 2008
		Միջազգային ֆինանսական հաստատություն
		Գյուղատնտեսական ոլորտի առաջատար ընկերությունում 7 մլն ԱՄՆ դոլարի ներդրումների նպատակահարմարության համալիր հետազոտություն:

Փոխատվական կապիտալի ներգրավում, 2008-2009
		Խոշոր դիվերսիֆիկացված ընկերություն
		Իրականացվել է Հայաստանում լուսաթափանց կառույցների արտադրության իրագործելիության ուսումնասիրություն: Պատրաստվել է ներդրումային ծրագիր և աջակություն է ցուցաբերվել հայկական բանկերից 20 մլն ԱՄՆ դոլար սինդիկացված փոխառու ֆինանսավորում ներգրավելու հարցում:

Փոխատվական կապիտալի ներգրավում, 2008-2009
		Տարաներ արտադրող առաջատար հայկական ընկերություն
		Մշակել է ընկերության ընդլայնման ներդրումային ծրագիրը` հիմնվելով տեղական և վրաստանյան շուկաների հետազոտության արդյունքների վրա: Ներդրումային ծրագրի հիման վրա ընկերությունը Վերակառուցման և զարգացման եվրոպական բանկից ներգրավել է 3 մլն ԱՄՆ դոլարի փոխատվական կապիտալ:

Փոխատվական կապիտալի ներգրավում, 2009-2010
		Ռուսական խոշոր հոլդինգային ընկերություն
		Ձևակերպվել է աևտրի կենտրոնի ներդրումային ռազմավարությունը, ինչպես նաև օժանդակություն է ցուցաբերվել միջազգային ֆինանսական հաստատությունների (Սևծովյան առևտրային և զարգացման բանկ, Միջազգային ֆինանսական կորպոռացիա և այլն) հետ բանակացությունների վարման ընթացքում: